log kitne niDar ho gae

log kitne niDar ho ga.e

taḳhta-e-dār par so ga.e

darmiyāñ apne vo kaun the

biij nafrat kā jo bo ga.e

raah dikhlāne vaale hameñ

rāste meñ kahīñ kho ga.e

phir na gulshan meñ aa.e vo gul

TuuT kar shāḳh se jo ga.e

jis ne dekhā hameñ pyaar se

ham usī shaḳhs ke ho ga.e

lamha-bhar ke liye aa.e the

bazm ko jagmagā to ga.e

sun ke hāl-e-'sarosh'-e-hazīñ

aaj mahfil meñ vo ro ga.e

log kitne niDar ho gae

taKHta-e-dar par so gae

darmiyan apne wo kaun the

bij nafrat ka jo bo gae

rah dikhlane wale hamein

raste mein kahin kho gae

phir na gulshan mein aae wo gul

TuT kar shaKH se jo gae

jis ne dekha hamein pyar se

hum usi shaKHs ke ho gae

lamha-bhar ke liye aae the

bazm ko jagmaga to gae

sun ke haal-e-'sarosh'-e-hazin

aaj mahfil mein wo ro gae