logon ka ek hujum mere aas-pas tha

logoñ kā ik hujūm mire ās-pās thā

jab maiñ safīr-e-gulshan-e-hosh-o-havās thā

tajvīz kī thī jis ne mohabbat mire liye

shāyad vo shaḳhs koī sitāra-shanās thā

jab tak charāġh-e-ālam-e-imkāñ jale rahe

raushan kitāb-e-ishq kā har iqtibās thā

jab tak vo ek zaat sharīk-e-safar na thī

merā vajūd mere liye be-asās thā

rahte the duur duur mire ham-ḳhayāl bhī

jab tak mire badan pe anā kā libās thā

jab tak mire lahū meñ harārat vafā kī thī

maiñ be-niyāz-e-shiddat-e-ḳhauf-o-hirās thā

kal shab hujūm-e-dil-zadagāñ meñ tire liye

auroñ kī tarah maiñ bhī sarāpā sipās thā

logon ka ek hujum mere aas-pas tha

jab main safir-e-gulshan-e-hosh-o-hawas tha

tajwiz ki thi jis ne mohabbat mere liye

shayad wo shaKHs koi sitara-shanas tha

jab tak charagh-e-alam-e-imkan jale rahe

raushan kitab-e-ishq ka har iqtibas tha

jab tak wo ek zat sharik-e-safar na thi

mera wajud mere liye be-asas tha

rahte the dur dur mere ham-KHayal bhi

jab tak mere badan pe ana ka libas tha

jab tak mere lahu mein hararat wafa ki thi

main be-niyaz-e-shiddat-e-KHauf-o-hiras tha

kal shab hujum-e-dil-zadagan mein tere liye

auron ki tarah main bhi sarapa sipas tha