logon se dur saikDon logon ke sath hun
logoñ se duur saikḌoñ logoñ ke saath huuñ
maiñ mauj kī tarah ka.ī maujoñ ke saath huuñ
tanhā bhī huuñ saḌak pe kisī poll kī tarah
aur munsalik bhī dūsre poloñ ke saath huuñ
tum ko to chhāñv koī ghanī chhāñv chāhiye
maiñ aaj bhī jale hue peḌoñ ke saath huuñ
bas ik qadam uThā to vahīñ TuuT jā.ūñgā
misl-e-habāb paañv ke chhāloñ ke saath huuñ
zindoñ ke darmiyān bhī lagtā hai yuuñ mujhe
maiñ jaise sard-ḳhāne kī lāshoñ ke saath huuñ
yuuñ ḳhushbueñ bahār kī bachchoñ ne diiñ mujhe
go ḳhaar huuñ pa lagtā hai phūloñ ke saath huuñ
un āñsuoñ ke saath nahīñ huuñ jo bah ga.e
jo dil meñ ruk ga.e haiñ un ashkoñ ke saath huuñ
logon se dur saikDon logon ke sath hun
main mauj ki tarah kai maujon ke sath hun
tanha bhi hun saDak pe kisi poll ki tarah
aur munsalik bhi dusre polon ke sath hun
tum ko to chhanw koi ghani chhanw chahiye
main aaj bhi jale hue peDon ke sath hun
bas ek qadam uTha to wahin TuT jaunga
misl-e-habab panw ke chhaalon ke sath hun
zindon ke darmiyan bhi lagta hai yun mujhe
main jaise sard-KHane ki lashon ke sath hun
yun KHushbuen bahaar ki bachchon ne din mujhe
go KHar hun pa lagta hai phulon ke sath hun
un aansuon ke sath nahin hun jo bah gae
jo dil mein ruk gae hain un ashkon ke sath hun
- Book : Pakistani Adab (Pg. 676)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
