luT gaya ghar to hai ab subh kahin sham kahin

luT gayā ghar to hai ab sub.h kahīñ shaam kahīñ

dekhiye ab hameñ miltā bhī hai ārām kahīñ

kahīñ aisā na ho fitna koī barpā ho jaa.e

ab kabhī bhuul ke liije na mirā naam kahīñ

ham sitam-ḳhurda haiñ kuchh duur hī haT kar rahiye

dekhiye aap pe aa jaa.e na ilzām kahīñ

jab paḌā ġham to badaltī hī nahīñ ye duniyā

jā ke ab baiTh rahī gardish-e-ayyām kahīñ

mere ahbāb ke iḳhlās kā parda rah jaa.e

mujh ko pahle hī Dubo de dil-e-nākām kahīñ

koh-o-sahrā kī taraf chal to paḌe haiñ vahshī

phir unheñ rok na leñ tere dar-o-bām kahīñ

mai-kada chhoḌ ke ham rind bahut pachhtā.e

ham pe sajtā hī nahīñ jāma-e-ehrām kahīñ

luT gaya ghar to hai ab subh kahin sham kahin

dekhiye ab hamein milta bhi hai aaram kahin

kahin aisa na ho fitna koi barpa ho jae

ab kabhi bhul ke lije na mera nam kahin

hum sitam-KHurda hain kuchh dur hi haT kar rahiye

dekhiye aap pe aa jae na ilzam kahin

jab paDa gham to badalti hi nahin ye duniya

ja ke ab baiTh rahi gardish-e-ayyam kahin

mere ahbab ke iKHlas ka parda rah jae

mujh ko pahle hi Dubo de dil-e-nakaam kahin

koh-o-sahra ki taraf chal to paDe hain wahshi

phir unhen rok na len tere dar-o-baam kahin

mai-kada chhoD ke hum rind bahut pachhtae

hum pe sajta hi nahin jama-e-ehram kahin