luTae baiTha hun raKHt-e-safar mohabbat mein

luTā.e baiThā huuñ raḳht-e-safar mohabbat meñ

lagā.e baiThā huuñ maiñ ghar kā ghar mohabbat meñ

kaTore ḳhuun ke bhar bhar ke denā paḌte haiñ

to jā ke aatā hai kuchh kuchh asar mohabbat meñ

qadam qadam pe zamāna harīf hotā hai

qadam qadam pe bichhaḌne kā Dar mohabbat meñ

jalāo hoñT mohabbat kī pakkī cigarette se

phiro udaas raho dar-ba-dar mohabbat meñ

havās-bhāḳhta phirtā huuñ ek muddat se

ki ab to jā.egā shāyad ye sar mohabbat meñ

ye aañkh dīda-e-bīnā nahīñ banā kartī

lahū kī buuñd na Tapke agar mohabbat meñ

luTae baiTha hun raKHt-e-safar mohabbat mein

lagae baiTha hun main ghar ka ghar mohabbat mein

kaTore KHun ke bhar bhar ke dena paDte hain

to ja ke aata hai kuchh kuchh asar mohabbat mein

qadam qadam pe zamana harif hota hai

qadam qadam pe bichhaDne ka Dar mohabbat mein

jalao honT mohabbat ki pakki cigarette se

phiro udas raho dar-ba-dar mohabbat mein

hawas-bhaKHta phirta hun ek muddat se

ki ab to jaega shayad ye sar mohabbat mein

ye aankh dida-e-bina nahin bana karti

lahu ki bund na Tapke agar mohabbat mein