Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

luTate hain wo bagh-e-ishq jae jis ka ji chahe

Agha Hajju Sharaf

luTate hain wo bagh-e-ishq jae jis ka ji chahe

Agha Hajju Sharaf

MORE BYAgha Hajju Sharaf

    luTāte haiñ vo bāġh-e-ishq jaa.e jis chāhe

    gul-e-dāġh-e-tamannā luuT laa.e jis chāhe

    charāġh-e-yās-o-hasrat ham haiñ mahfil meñ hasīnoñ

    jalā.e jis chāhe bujhā.e jis chāhe

    kasī ma.ashūq koī ḳhatā maiñ ne nahīñ hai

    satāne ko zabardastī satā.e jis chāhe

    ba-hal shauq-e-shahādat meñ kiyā hai ham ne ḳhuun apnā

    hamāre shauq se purze uḌaa.e jis chāhe

    do-ālam meñ nahīñ ai yaar mujh shefta terā

    mohabbat yuuñ jatāne ko jatā.e jis chāhe

    ḳhushī o nā-ḳhushī mauqūf hai apnī hasīnoñ par

    hañsā.e jis chāhe rulā.e jis chāhe

    sadā.eñ surḳh-rūī detī hai ganj-e-shahīdāñ meñ

    lahū meñh barastā hai nahā.e jis chāhe

    jo ho jā.egā parvāna charāġh-e-husn us ke

    karegā naam raushan lau lagā.e jis chāhe

    ajā.ib lutf haiñ kū-e-tavakkul faqīrī meñ

    ḳhudā.ī hai yahāñ dhūnī ramā.e jis chāhe

    koī ġhuncha na pahuñchegā tire husn-e-tabassum ko

    sar-e-maidāñ chaman meñ muskurā.e jis chāhe

    jagah us sham.a-rū ne hai parvānoñ ke lashkar ko

    sar-e-maidāñ chaman maiñ muskurā.e jis chāhe

    pashemāñ ġhuncha-o-gul hoñge mere zaḳhm-e-ḳhandāñ se

    hañse chāhe jis muskurā.e jis chāhe

    atā nahr-e-gulshan us ne apne ishq-bāzoñ ko

    ijāzat yahāñ nikhre nahā.e jis chāhe

    ḳhushī ho ho ke ḳhud sayyād kahtā hai anādil se

    bahār aa.ī huī hai chahchahā.e jis chāhe

    na dekheñge kisī betāb ko vo aañkh uThā ke bhī

    kaleje ko masose tilmilā.e jis chāhe

    mareñge us pe kalma paḌh ke us jaan ham deñge

    ḳhudā.ī bhar meñ ham ko āzmā.e jis chāhe

    ajab ḳhushbū hai gul-daste meñ shauq-o-zauq ke us

    karegā vajd pairāhan basā.e jis chāhe

    duā-e-maġhfirat tum do utāre qabr meñ koī

    paḌho talqīn tum shāna hilā.e jis chāhe

    'sharaf' dam toḌte haiñ ik parī-rū judā.ī meñ

    ajab aalam hai un dekh aa.e jis chāhe

    luTate hain wo bagh-e-ishq jae jis ka ji chahe

    gul-e-dagh-e-tamanna luT lae jis ka ji chahe

    charagh-e-yas-o-hasrat hum hain mahfil mein hasinon ki

    jalae jis ka ji chahe bujhae jis ka ji chahe

    kasi mashuq ki koi KHata main ne nahin ki hai

    satane ko zabardasti satae jis ka ji chahe

    ba-hal shauq-e-shahadat mein kiya hai hum ne KHun apna

    hamare shauq se purze uDae jis ka ji chahe

    do-alam mein nahin ai yar mujh sa shefta tera

    mohabbat yun jatane ko jatae jis ka ji chahe

    KHushi o na-KHushi mauquf hai apni hasinon par

    hansae jis ka ji chahe rulae jis ka ji chahe

    sadaen surKH-rui deti hai ganj-e-shahidan mein

    lahu ka meinh barasta hai nahae jis ka ji chahe

    jo ho jaega parwana charagh-e-husn ka us ke

    karega nam raushan lau lagae jis ka ji chahe

    ajaib lutf hain ku-e-tawakkul ki faqiri mein

    KHudai hai yahan dhuni ramae jis ka ji chahe

    koi ghuncha na pahunchega tere husn-e-tabassum ko

    sar-e-maidan chaman mein muskurae jis ka ji chahe

    jagah us shama-ru ne di hai parwanon ke lashkar ko

    sar-e-maidan chaman main muskurae jis ka ji chahe

    pasheman ghuncha-o-gul honge mere zaKHm-e-KHandan se

    hanse ji chahe jis ka muskurae jis ka ji chahe

    ata ki nahr-e-gulshan us ne apne ishq-bazon ko

    ijazat di yahan nikhre nahae jis ka ji chahe

    KHushi ho ho ke KHud sayyaad kahta hai anadil se

    bahaar aai hui hai chahchahae jis ka ji chahe

    na dekhenge kisi betab ko wo aankh uTha ke bhi

    kaleje ko masose tilmilae jis ka ji chahe

    marenge us pe kalma paDh ke us ka jaan hum denge

    KHudai bhar mein hum ko aazmae jis ka ji chahe

    ajab KHushbu hai gul-daste mein shauq-o-zauq ke us ki

    karega wajd pairahan basae jis ka ji chahe

    dua-e-maghfirat tum do utare qabr mein koi

    paDho talqin tum shana hilae jis ka ji chahe

    'sharaf' dam toDte hain ek pari-ru ki judai mein

    ajab aalam hai un ka dekh aae jis ka ji chahe

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now