lutf chaho ek but-e-nau-KHez ko raazi karo
lutf chāho ik but-e-nau-ḳhez ko raazī karo
naukrī chāho kisī añgrez ko raazī karo
leaderī chāho to lafz-e-qaum hai mehmāñ-navāz
gap-navīsoñ ko aur ahl-e-mez ko raazī karo
tā.at-e-amn-o-sukūñ kā dil ko lekin ho jo shauq
sabr par tab-e-havas-añgez ko raazī karo
zaq-zaq-o-baq-baq meñ duniyā ke na ho 'akbar' sharīk
chup hī rahne par zabān-e-tez ko raazī karo
lutf chaho ek but-e-nau-KHez ko raazi karo
naukri chaho kisi angrez ko raazi karo
leaderi chaho to lafz-e-qaum hai mehman-nawaz
gap-nawison ko aur ahl-e-mez ko raazi karo
taat-e-amn-o-sukun ka dil ko lekin ho jo shauq
sabr par tab-e-hawas-angez ko raazi karo
zaq-zaq-o-baq-baq mein duniya ke na ho 'akbar' sharik
chup hi rahne par zaban-e-tez ko raazi karo
Source:
Kulliyat-e-akbar (Pg. 368)
- Author: Sayed Akbar husain Akbar Allahabadi
-
- Publisher: Farid Book Depot Pvt. Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
