lutf hi lutf hai jo kuchh hai inayat ke siwa

Arsh Malsiyani

lutf hi lutf hai jo kuchh hai inayat ke siwa

Arsh Malsiyani

MORE BYArsh Malsiyani

    lutf lutf hai jo kuchh hai ināyat ke sivā

    hai mohabbat se sivā jo hai mohabbat ke sivā

    dostoñ ke karam-e-ḳhās se bachne ke liye

    koī gosha na milā gosha-e-uzlat ke sivā

    mujh se shikva bhī jo karte haiñ to ye kahte haiñ

    kuchh bhī aatā nahīñ kyā tujh ko shikāyat ke sivā

    aap ke ḳhat ko maiñ kis baat ḳhummār kahūñ

    is meñ sab kuchh hai bas ik harf-e-mohabbat ke sivā

    jis qadar chāhūñ gunāhoñ pe hañsūñ ḳhuub hañsūñ

    ye ilaaj aur bhī hai ashk-e-nadāmat ke sivā

    shaiḳh hogā jo milte nahīñ do-chār ayāġh

    kaun aa saktā hai maiḳhāne meñ hazrat ke sivā

    vo jo kahte haiñ ki hai fahm-o-farāsat ham se

    aise logoñ meñ sabhī kuchh hai farāsat ke sivā

    nahīñ ma.alūm ki kyuuñ ruuh isī se ḳhush hai

    rañj to aur bhī haiñ rañj-e-mohabbat ke sivā

    rah ga.e rāh-e-amānat meñ malā.ek thak kar

    marhala tai na huā ye mirī himmat ke sivā

    tum ko ma.alūm ho ai shaiḳh-o-barahman to kaho

    aur bhī koī ibādat hai mohabbat ke sivā

    is na.ī baat ko bhī 'arsh' kabhī sochā hai

    āj-kal sher meñ jiddat hai to jiddat ke sivā

    lutf hi lutf hai jo kuchh hai inayat ke siwa

    hai mohabbat se siwa jo hai mohabbat ke siwa

    doston ke karam-e-KHas se bachne ke liye

    koi gosha na mila gosha-e-uzlat ke siwa

    mujh se shikwa bhi jo karte hain to ye kahte hain

    kuchh bhi aata nahin kya tujh ko shikayat ke siwa

    aap ke KHat ko main kis baat ka KHummar kahun

    is mein sab kuchh hai bas ek harf-e-mohabbat ke siwa

    jis qadar chahun gunahon pe hansun KHub hansun

    ye ilaj aur bhi hai ashk-e-nadamat ke siwa

    shaiKH hi hoga jo milte nahin do-chaar ayagh

    kaun aa sakta hai maiKHane mein hazrat ke siwa

    wo jo kahte hain ki hai fahm-o-farasat hum se

    aise logon mein sabhi kuchh hai farasat ke siwa

    nahin malum ki kyun ruh isi se KHush hai

    ranj to aur bhi hain ranj-e-mohabbat ke siwa

    rah gae rah-e-amanat mein malaek thak kar

    marhala tai na hua ye meri himmat ke siwa

    tum ko malum ho ai shaiKH-o-barahman to kaho

    aur bhi koi ibaadat hai mohabbat ke siwa

    is nai baat ko bhi 'arsh' kabhi socha hai

    aaj-kal sher mein jiddat hai to jiddat ke siwa

    Source
    • Book : Kulliyat-e-Arsh (Pg. 146)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY