lutf zahir kar diya dard-e-nihani dekh kar

lutf zāhir kar diyā dard-e-nihānī dekh kar

rahm ne paa.ī hai quvvat nā-tavānī dekh kar

jo ki miltī ho hamārī sarguzasht-e-ishq se

qissa-ḳhvāñ kahnā vahāñ aisī kahānī dekh kar

tujh se go milte nahīñ dāġh-e-ġham-e-hijrāñ to hai

shukr hai jiite to haiñ terī nishānī dekh kar

kaun hai ḳhūn-e-jigar-āshām maiñ yā mudda.ī

dījiyo saaqī sharāb-e-arġhavānī dekh kar

ab balā-e-āsmānī bhī bhalī lagne lagī

aap ke sar par dupaTTe āsmānī dekh kar

us ramīda-vash ko kyā hāl-e-dil-e-mahzūñ likhūñ

jo ḳhafā ho rabt-e-alfāz-o-ma.ānī dekh kar

hai digar-gūñ ibtidā-e-ishq meñ 'rashkī' kā haal

rahm aatā hai mujhe us kī javānī dekh kar

lutf zahir kar diya dard-e-nihani dekh kar

rahm ne pai hai quwwat na-tawani dekh kar

jo ki milti ho hamari sarguzasht-e-ishq se

qissa-KHwan kahna wahan aisi kahani dekh kar

tujh se go milte nahin dagh-e-gham-e-hijran to hai

shukr hai jite to hain teri nishani dekh kar

kaun hai KHun-e-jigar-asham main ya muddai

dijiyo saqi sharab-e-arghawani dekh kar

ab bala-e-asmani bhi bhali lagne lagi

aap ke sar par dupaTTe aasmani dekh kar

us ramida-wash ko kya haal-e-dil-e-mahzun likhun

jo KHafa ho rabt-e-alfaz-o-maani dekh kar

hai digar-gun ibtida-e-ishq mein 'rashki' ka haal

rahm aata hai mujhe us ki jawani dekh kar