lutf zindagani ka shauq-e-arzu mein hai

lutf zindagānī kā shauq-e-ārzū meñ hai

jazba-o-junūñ meñ hai sa.ī-o-justujū meñ hai

jo sukūn-e-ḳhātir hai us ke aib meñ dilkash

chāshnī hai luknat hai sehr guftugū meñ hai

us ke qurb kī lazzat mujh se kyā bayāñ hogī

be-panāh kaifiyyat sirf aarzū meñ hai

zahr zindagānī kā pī ke aql aa.ī hai

dārū-e-ġham-e-hastī talḳhī-e-subū meñ hai

bhiiḌ meñ zamāne kī ham sadā akele the

vo bhī duur hai kitnā jo rag-e-gulū meñ hai

baat 'jāmī'-sāhib kī talḳh bhī hai shīrīñ bhī

dard halkā halkā sā tarz-e-guftugū meñ hai

lutf zindagani ka shauq-e-arzu mein hai

jazba-o-junun mein hai sai-o-justuju mein hai

jo sukun-e-KHatir hai us ke aib mein dilkash

chashni hai luknat hai sehr guftugu mein hai

us ke qurb ki lazzat mujh se kya bayan hogi

be-panah kaifiyyat sirf aarzu mein hai

zahr zindagani ka pi ke aql aai hai

daru-e-gham-e-hasti talKHi-e-subu mein hai

bhiD mein zamane ki hum sada akele the

wo bhi dur hai kitna jo rag-e-gulu mein hai

baat 'jami'-sahib ki talKH bhi hai shirin bhi

dard halka halka sa tarz-e-guftugu mein hai