maal-e-dil ke liye aaj yun KHudi tarse

Hamid Mukhtar Hamid

maal-e-dil ke liye aaj yun KHudi tarse

Hamid Mukhtar Hamid

MORE BYHamid Mukhtar Hamid

    ma.āl-e-dil ke liye aaj yuuñ ḳhudī tarse

    ki zindagī ke liye jaise zindagī tarse

    ḳhirad-ba-dosh hai tahzīb-e-nau magar phir bhī

    junūñ-ba-dāmāñ tamaddun ko āgahī tarse

    jo apnā ḳhūn-e-jigar ke mast ho jaa.eñ

    ab aise zarf-parastoñ ko tishnagī tarse

    hai ab bhī silsila-e-dostī jahāñ meñ magar

    vafā-shanās mohabbat ko dostī tarse

    maqām-e-zabt ġham-e-ishq meñ vo paidā kar

    ki ḳhushī ko na tarse tujhe ḳhushī tarse

    rah-e-vafā meñ mujhe kaash aisī maut mile

    ki bād-e-marg mujhe merī zindagī tarse

    jahāñ meñ ahl-e-suḳhan kam nahīñ magar 'hāmid'

    taḳhayyulāt-e-haqīqat ko shā.irī tarse

    maal-e-dil ke liye aaj yun KHudi tarse

    ki zindagi ke liye jaise zindagi tarse

    KHirad-ba-dosh hai tahzib-e-nau magar phir bhi

    junun-ba-daman tamaddun ko aagahi tarse

    jo apna KHun-e-jigar pi ke mast ho jaen

    ab aise zarf-paraston ko tishnagi tarse

    hai ab bhi silsila-e-dosti jahan mein magar

    wafa-shanas mohabbat ko dosti tarse

    maqam-e-zabt gham-e-ishq mein wo paida kar

    ki tu KHushi ko na tarse tujhe KHushi tarse

    rah-e-wafa mein mujhe kash aisi maut mile

    ki baad-e-marg mujhe meri zindagi tarse

    jahan mein ahl-e-suKHan kam nahin magar 'hamid'

    taKHayyulat-e-haqiqat ko shairi tarse

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY