mah achchha hai ki wo badr-e-kamal achchha hai

maah achchhā hai ki vo badr-e-kamāl achchhā hai

dekhnā hai ye hameñ kis kā jamāl achchhā hai

aap kī chashm-e-ināyat ne sañbhālā us ko

aaj to aap ke bīmār kā haal achchhā hai

haal jab hogā burā dekhne vo ā.eñge

log kahte haiñ burā jis ko vo haal achchhā hai

jis se milte haiñ milāte haiñ ajal se us ko

chashm-e-qātil meñ tumhārī ye kamāl achchhā hai

vasl jab us but-e-kāfir kā mayassar ho jaa.e

roz vo achchhā vo maah achchhā vo saal achchhā hai

ḳhāl-o-abrū meñ tumhīñ faisla kar do koī

badr achchhā hai tumhārā ki hilāl achchhā hai

hūreñ jannat kī na kaam ā.eñgī apne 'naushād'

un hasīnoñ kā magar husn-o-jamāl achchhā hai

mah achchha hai ki wo badr-e-kamal achchha hai

dekhna hai ye hamein kis ka jamal achchha hai

aap ki chashm-e-inayat ne sanbhaala us ko

aaj to aap ke bimar ka haal achchha hai

haal jab hoga bura dekhne wo aaenge

log kahte hain bura jis ko wo haal achchha hai

jis se milte hain milate hain ajal se us ko

chashm-e-qatil mein tumhaari ye kamal achchha hai

wasl jab us but-e-kafir ka mayassar ho jae

roz wo achchha wo mah achchha wo sal achchha hai

KHal-o-abru mein tumhin faisla kar do koi

badr achchha hai tumhaara ki hilal achchha hai

huren jannat ki na kaam aaengi apne 'naushad'

un hasinon ka magar husn-o-jamal achchha hai