mail hun gul-badan ka mujhe gul sin kya gharaz

maa.il huuñ gul-badan kā mujhe gul siiñ kyā ġharaz

kākul meñ us ke band huuñ sumbul siiñ kyā ġharaz

ḳhūnīñ diloñ ke qatl kuuñ sīdhī nigāh bas

is teġh kuuñ fasān-e-taġhāful siiñ kyā ġharaz

rusvā.ī-e-jahāñ siiñ mujhe fikr kuchh nahīñ

dīvāna-e-junūñ kuuñ ta.ammul siiñ kyā ġharaz

bas hai ġhubār-e-rāh-e-libās-e-shahanshahī

sultān-e-be-ḳhudī kuuñ tajammul siiñ kyā ġharaz

jaam mai-e-alast siiñ be-ḳhud huuñ ai 'sirāj'

daur-e-sharāb-o-shīsha-e-pur-mul siiñ kyā ġharaz

mail hun gul-badan ka mujhe gul sin kya gharaz

kakul mein us ke band hun sumbul sin kya gharaz

KHunin dilon ke qatl kun sidhi nigah bas

is tegh kun fasan-e-taghaful sin kya gharaz

ruswai-e-jahan sin mujhe fikr kuchh nahin

diwana-e-junun kun tammul sin kya gharaz

bas hai ghubar-e-rah-e-libas-e-shahanshahi

sultan-e-be-KHudi kun tajammul sin kya gharaz

jam mai-e-alast sin be-KHud hun ai 'siraj'

daur-e-sharab-o-shisha-e-pur-mul sin kya gharaz