mana ki saKHt hoti hai tir-o-tabar ki choT

maanā ki saḳht hotī hai tīr-o-tabar kī choT

lekin burī balā hai kisī kī nazar kī choT

teġh-e-adā kā vaar hai tīr-e-nazar kī choT

dil kī bachā.ūñ zarb ki rokūñ jigar kī choT

baḌh kar hai zaḳhm-e-teġh se bhī zaḳhm baat kā

ye chaar din kī choT hai vo umr bhar kī choT

siine se vo mile to nazar se nazar milī

dil kā bharā jo zaḳhm to ubhrī jigar kī choT

ehsāñ kā baar sāhib-e-himmat kī maut hai

merī duā qubūl kare kyoñ asar kī choT

dard intihā kā dil meñ hai 'mahmūd' aaj tak

khaa.ī thī ibtidā meñ kisī kī nazar kī choT

mana ki saKHt hoti hai tir-o-tabar ki choT

lekin buri bala hai kisi ki nazar ki choT

tegh-e-ada ka war hai tir-e-nazar ki choT

dil ki bachaun zarb ki rokun jigar ki choT

baDh kar hai zaKHm-e-tegh se bhi zaKHm baat ka

ye chaar din ki choT hai wo umr bhar ki choT

sine se wo mile to nazar se nazar mili

dil ka bhara jo zaKHm to ubhri jigar ki choT

ehsan ka bar sahib-e-himmat ki maut hai

meri dua qubul kare kyon asar ki choT

dard intiha ka dil mein hai 'mahmud' aaj tak

khai thi ibtida mein kisi ki nazar ki choT