mana ki tu sawar hai aur main piyaada hun

maanā ki tū savār hai aur maiñ piyāda huuñ

mujh se hazar na kar ki shanāsā-e-jāda huuñ

bātin meñ saḳht kāfir-o-pur-pech o tah-ba-tah

zāhir meñ ek ham-safar-e-sahal-o-sāda huuñ

ik shahr-e-zar-nigār hai aqlīm-e-sharq meñ

us shahr-e-zar-nigār kā maiñ shāhzāda huuñ

vā haiñ darīcha-hā-e-ḳhirad merī ruuh par

kis ne kahā ḳharāb-e-ḳharābāt-o-bāda huuñ

ai ḳhizr! qutb-e-vaqt kī tā-chand justujū

merā murīd ho ki qavī-ul-irāda hoñ

maiñ ham-rah-e-shamīm na uḌtā sabā ke sāth?

uftād to yahī hai ki barg-e-fatāda huuñ

tīr-afganoñ kī saf hai udhar aur maiñ idhar

sīna-sipar 'ra.īs' ba-qalb-e-kushāda huuñ

mana ki tu sawar hai aur main piyaada hun

mujh se hazar na kar ki shanasa-e-jada hun

baatin mein saKHt kafir-o-pur-pech o tah-ba-tah

zahir mein ek ham-safar-e-sahal-o-sada hun

ek shahr-e-zar-nigar hai aqlim-e-sharq mein

us shahr-e-zar-nigar ka main shahzada hun

wa hain daricha-ha-e-KHirad meri ruh par

kis ne kaha KHarab-e-KHarabaat-o-baada hun

ai KHizr! qutb-e-waqt ki ta-chand justuju

mera murid ho ki qawi-ul-irada hon

main ham-rah-e-shamim na uDta saba ke sath?

uftad to yahi hai ki barg-e-fatada hun

tir-afganon ki saf hai udhar aur main idhar

sina-sipar 'rais' ba-qalb-e-kushada hun