mani ne jo dekha teri taswir ka naqsha
maanī ne jo dekhā tirī tasvīr kā naqsha
sab bhuul gayā apnī vo tahrīr kā naqsha
us abrū-e-ḳhamdār kī sūrat se ayaañ hai
ḳhanjar kī shabāhat dam-e-shamshīr kā naqsha
kyā gardish-e-ayyām hai ai āh-e-jigar-soz
ulTā nazar aayā tirī tāsīr kā naqsha
din raat tire kūche meñ rove hai hamesha
āshiq ke ye hai mansab o jāgīr kā naqsha
tadbīr to kuchh ban nahīñ aatī hai 'nazīr' aah
ab dekhiye kyā hotā hai taqdīr kā naqsha
mani ne jo dekha teri taswir ka naqsha
sab bhul gaya apni wo tahrir ka naqsha
us abru-e-KHamdar ki surat se ayan hai
KHanjar ki shabahat dam-e-shamshir ka naqsha
kya gardish-e-ayyam hai ai aah-e-jigar-soz
ulTa nazar aaya teri tasir ka naqsha
din raat tere kuche mein rowe hai hamesha
aashiq ke ye hai mansab o jagir ka naqsha
tadbir to kuchh ban nahin aati hai 'nazir' aah
ab dekhiye kya hota hai taqdir ka naqsha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
