mānūs ho ga.e haiñ sitam peshgī se ham
ab kyā kareñ karam kā taqāzā kisī se ham
is se to apne haq meñ añdherā hī ḳhuub thā
be-nūr ho ga.e haiñ na.ī raushnī se ham
āḳhir sar-e-niyāz jhukā.eñ to kis tarah
nā-āshnā haiñ rasm-o-rah-e-bandagī se ham
taskīn-e-zauq ke liye maġhz-e-suḳhan hai shart
āsūda-e-ġhazal na hue naġhmagī se ham
hadd-e-adab meñ rah ke 'munavvar' ho guftugū
momin ke muñh na aa.eñ suḳhan-gustarī se ham
manus ho gae hain sitam peshgi se hum
ab kya karen karam ka taqaza kisi se hum
is se to apne haq mein andhera hi KHub tha
be-nur ho gae hain nai raushni se hum
aaKHir sar-e-niyaz jhukaen to kis tarah
na-ashna hain rasm-o-rah-e-bandagi se hum
taskin-e-zauq ke liye maghz-e-suKHan hai shart
aasuda-e-ghazal na hue naghmagi se hum
hadd-e-adab mein rah ke 'munawwar' ho guftugu
momin ke munh na aaen suKHan-gustari se hum
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.