matam-e-ranj-o-alam gham hain baham chaaron ek

mātam-e-ranj-o-alam ġham haiñ baham chāroñ ek

sitam-o-jaur-jafā nāz-o-sanam chāroñ ek

jab aTaktā hai jo dil kuchh nahīñ chhoḌe baaqī

nañg-o-nāmūs hayā aur sharam chāroñ ek

ishq-bāzāñ ke ta.iiñ 'ishq meñ tere ai yaar

masjid-o-madrasa-o-dair-o-haram chāroñ ek

farq hargiz nahīñ jo tujh se milāve āñkheñ

tiir aur ḳhanjar-o-jamdhar ke zaḳham chāroñ ek

zulf juuñ mār-e-siyah qad jo daraḳht-e-chandan

aaj dekh aa.e haiñ is taur se ham chāroñ ek

yaar aur āshiq-o-sāqī-o-sharāb-o-sabza

dekhtā hai koī yak jaa.e pe kam chāroñ ek

bhuul jaate haiñ sabhī bazm meñ mah-rūyoñ kī

aql-o-dānish-o-tamīz aur faham chāroñ ek

huuñ tirā ai sanamā is vaza' farmāñ-bardār

sārbān-o-nafar-o-banda ḳhadam chāroñ ek

ġhair vaslat ke tire aur na ḳhvāhish apnī

kyā talā nuqra-o-dīnār-o-diram chāroñ ek

uTh gayā qaum se ashrāf ke haihāt afsos

'ishrat-o-'aish kahāñ jāh-o-hasham chāroñ ek

raushnā.ī-o-zabāñ tohfa kare qissa bayāñ

jis ghaḌī hote haiñ kāġhaz-o-qalam chāroñ ek

bhuul jā shauq meñ vaslat ke tū sab ko ai dil

dozaḳh-o-jannat o a.arāf o 'adam chāroñ ek

vāste tere muqarrar haiñ dil andesha na kar

mehrbānī-o-atā fazl-o-karam chāroñ ek

hai shujā'at-o-saḳhā hilm hayā 'qāsim-alī'

shaan meñ sher-e-ḳhudā ke haiñ ḳhatam chāroñ ek

matam-e-ranj-o-alam gham hain baham chaaron ek

sitam-o-jaur-jafa naz-o-sanam chaaron ek

jab aTakta hai jo dil kuchh nahin chhoDe baqi

nang-o-namus haya aur sharam chaaron ek

ishq-bazan ke tain 'ishq mein tere ai yar

masjid-o-madrasa-o-dair-o-haram chaaron ek

farq hargiz nahin jo tujh se milawe aankhen

tir aur KHanjar-o-jamdhar ke zaKHam chaaron ek

zulf jun mar-e-siyah qad jo daraKHt-e-chandan

aaj dekh aae hain is taur se hum chaaron ek

yar aur aashiq-o-saqi-o-sharab-o-sabza

dekhta hai koi yak jae pe kam chaaron ek

bhul jate hain sabhi bazm mein mah-ruyon ki

aql-o-danish-o-tamiz aur faham chaaron ek

hun tera ai sanama is waza' farman-bardar

sarban-o-nafar-o-banda KHadam chaaron ek

ghair waslat ke tere aur na KHwahish apni

kya tala nuqra-o-dinar-o-diram chaaron ek

uTh gaya qaum se ashraf ke haihat afsos

'ishrat-o-'aish kahan jah-o-hasham chaaron ek

raushnai-o-zaban tohfa kare qissa bayan

jis ghaDi hote hain kaghaz-o-qalam chaaron ek

bhul ja shauq mein waslat ke tu sab ko ai dil

dozaKH-o-jannat o aaraf o 'adam chaaron ek

waste tere muqarrar hain dil andesha na kar

mehrbani-o-ata fazl-o-karam chaaron ek

hai shuja'at-o-saKHa hilm haya 'qasim-ali'

shan mein sher-e-KHuda ke hain KHatam chaaron ek