mathe par Tika sandal ka ab dil ke karan rahta hai
māthe par Tiikā sandal kā ab dil ke kāran rahtā hai
mandir meñ masjid bantī hai masjid meñ brahman rahtā hai
zarre meñ sūraj aur sūraj meñ zarre raushan rahtā hai
ab man meñ sājan rahte haiñ aur sājan meñ man rahtā hai
rut biit chukī hai barkhā kī aur priit ke maare rahte haiñ
rote haiñ rone vāloñ kī āñkhoñ meñ sāvan rahtā hai
ik aah nishānī jiine kī rahtī thī magar jab vo bhī nahīñ
kyuuñ dukh kī maalā japne ko ye tinkā sā tan rahtā hai
ai mujh par hañsne aur kisī ko dekhne vaale ye to kaho
yuuñ kab tak jaan pe bantī hai yuuñ kab tak joban rahtā hai
dil toḌ ke jaane vaale sun do aur bhī rishte baaqī haiñ
ik saañs kī Dorī aTkī hai ik prem kā bandhan rahtā hai
mathe par Tika sandal ka ab dil ke karan rahta hai
mandir mein masjid banti hai masjid mein brahman rahta hai
zarre mein suraj aur suraj mein zarre raushan rahta hai
ab man mein sajan rahte hain aur sajan mein man rahta hai
rut bit chuki hai barkha ki aur prit ke mare rahte hain
rote hain rone walon ki aankhon mein sawan rahta hai
ek aah nishani jine ki rahti thi magar jab wo bhi nahin
kyun dukh ki mala japne ko ye tinka sa tan rahta hai
ai mujh par hansne aur kisi ko dekhne wale ye to kaho
yun kab tak jaan pe banti hai yun kab tak joban rahta hai
dil toD ke jaane wale sun do aur bhi rishte baqi hain
ek sans ki Dori aTki hai ek prem ka bandhan rahta hai
Source:
urdu kii chunii hu.ii gazale.n (Pg. 84)
- Author: devendra issar
-
- Edition: 1963
- Publisher: sahityaa parkaashak maalbaara delhi
- Year of Publication: 1963
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
