macha hua hai KHudaon ki an-kahi ka shor

machā huā hai ḳhudāoñ kī an-kahī kā shor

magar vo guuñj ki khā jā.egī sabhī kā shor

tamām raat mahaktā thā us kī Table par

gulāb-e-tāza kī ḳhushbū meñ february kā shor

shajar kī tāb-e-samā.at pe daad bantī hai

ye suntā aayā hai sadiyoñ se aadmī kā shor

ai nā-ḳhudāo samundar ko mat sunā denā

hamārī naav meñ asbāb kī kamī kā shor

baḌe salīqe se aa kar qazā ne chaaT liyā

zamīñ ke sahn meñ barpā thā zindagī kā shor

bas ek baar zamāne ke dar pe dastak dī

ab aise kaun machā.e ghaḌī ghaḌī kā shor

macha hua hai KHudaon ki an-kahi ka shor

magar wo gunj ki kha jaegi sabhi ka shor

tamam raat mahakta tha us ki Table par

gulab-e-taza ki KHushbu mein february ka shor

shajar ki tab-e-samaat pe dad banti hai

ye sunta aaya hai sadiyon se aadmi ka shor

ai na-KHudao samundar ko mat suna dena

hamari naw mein asbab ki kami ka shor

baDe saliqe se aa kar qaza ne chaT liya

zamin ke sahn mein barpa tha zindagi ka shor

bas ek bar zamane ke dar pe dastak di

ab aise kaun machae ghaDi ghaDi ka shor