aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mahbub-e-KHuda ne tujhe nayab banaya

Imdad Ali Bahr

mahbub-e-KHuda ne tujhe nayab banaya

Imdad Ali Bahr

MORE BYImdad Ali Bahr

    mahbūb-e-ḳhudā ne tujhe nāyāb banāyā

    qad sarv kiyā ruḳh gul-e-mahtāb banāyā

    jab kuchh na banī ishq ne betāb banāyā

    ḳhud ban gayā sho.ala mujhe sīmāb banāyā

    us husn ke dariyā ne jo phir kar mujhe dekhā

    mauj-e-qadam-e-nāz ko girdāb banāyā

    sarmast-e-shahādat haiñ tire ishq meñ saaqī

    āb-e-dam-e-ḳhanjar ko mai-e-nāb banāyā

    āgāh kiyā ishq ne qānūn-e-vafā se

    jab nāḳhun-e-shamshīr ko mizrāb banāyā

    sab uzv-e-badan sham-e-sifat bah ga.e gal kar

    is sozish-e-dil ne mujhe sailāb banāyā

    ik raat uḌaa.ī na mirī duḳhtar-e-raz se

    saaqī ne bat-e-mai ko bhī surḳhāb banāyā

    jism aisā damaktā hai ki kapḌe chamak uTThe

    naino ko tire husn ne kamḳhāb banāyā

    kab tālib-e-rāhat hue zaḳhmī-e-mohabbat

    marham jo hājat huī tezāb banāyā

    aariz ne kiyā sar-ba-zamīñ saare guloñ ko

    qāmat ne har ik shāḳh ko mehrāb banāyā

    ai 'bahr' bar-o-bahar meñ gardish rahe ham ko

    qismat ne bagūlā tujhe girdāb banāyā

    mahbub-e-KHuda ne tujhe nayab banaya

    qad sarw kiya ruKH gul-e-mahtab banaya

    jab kuchh na bani ishq ne betab banaya

    KHud ban gaya shoala mujhe simab banaya

    us husn ke dariya ne jo phir kar mujhe dekha

    mauj-e-qadam-e-naz ko girdab banaya

    sarmast-e-shahadat hain tere ishq mein saqi

    aab-e-dam-e-KHanjar ko mai-e-nab banaya

    aagah kiya ishq ne qanun-e-wafa se

    jab naKHun-e-shamshir ko mizrab banaya

    sab uzw-e-badan sham-e-sifat bah gae gal kar

    is sozish-e-dil ne mujhe sailab banaya

    ek raat uDai na meri duKHtar-e-raz se

    saqi ne bat-e-mai ko bhi surKHab banaya

    jism aisa damakta hai ki kapDe chamak uTThe

    naino ko tere husn ne kamKHab banaya

    kab talib-e-rahat hue zaKHmi-e-mohabbat

    marham ki jo hajat hui tezab banaya

    aariz ne kiya sar-ba-zamin sare gulon ko

    qamat ne har ek shaKH ko mehrab banaya

    ai 'bahr' bar-o-bahar mein gardish rahe hum ko

    qismat ne bagula tujhe girdab banaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now