mahfil-e-hasti mein hum fikr-e-suKHan karte rahe

mahfil-e-hastī meñ ham fikr-e-suḳhan karte rahe

kashmakash meñ bhī ḳhayāl-e-anjuman karte rahe

bārhā gul-chīñ ne lalkārā hamāre azm ko

be-muhābā ham magar nazm-e-chaman karte rahe

maiñ to sab ke chāk-e-dāman par rafū kartā rahā

ahl-e-duniyā chaak merā pairahan karte rahe

ham-vatan samjhā kiye nang-e-vatan ham ko magar

sarfaroshī kuchh hamīñ bahar-e-vatan karte rahe

ḳhatm kab hotā hai dekheñ imtihāñ kā silsila

aaj tak ham izzat-e-dār-o-rasan karte rahe

kyā kahūñ is daur-e-nau ke rahbaroñ kā mājrā

ye bhī vo karte rahe jo rāhzan karte rahe

mahfil-e-hasti mein hum fikr-e-suKHan karte rahe

kashmakash mein bhi KHayal-e-anjuman karte rahe

barha gul-chin ne lalkara hamare azm ko

be-muhaba hum magar nazm-e-chaman karte rahe

main to sab ke chaak-e-daman par rafu karta raha

ahl-e-duniya chaak mera pairahan karte rahe

ham-watan samjha kiye nang-e-watan hum ko magar

sarfaroshi kuchh hamin bahar-e-watan karte rahe

KHatm kab hota hai dekhen imtihan ka silsila

aaj tak hum izzat-e-dar-o-rasan karte rahe

kya kahun is daur-e-nau ke rahbaron ka majra

ye bhi wo karte rahe jo rahzan karte rahe