mahfil-e-zist bhi saji hai abhi

mahfil-e-zīst bhī sajī hai abhī

haisiyat dil kī markazī hai abhī

ik tamanna bujhī bujhī hai abhī

ek ḳhvāhish dabī dabī hai abhī

aur thoḌe mizāj mil jaa.eñ

ye mulāqāt sarsarī hai abhī

tere chehre pe maslahat raushan

terā lahja bhī maḳhmalī hai abhī

jhuuT kā phaT paḌegā ġhubbāra

is meñ kaafī havā bharī hai abhī

vo jo majbūriyoñ se gūñdhī ga.ī

vo hañsī mez par rakhī hai abhī

kuchh to andāza ho gayā qaa.em

tajziya garche sarsarī hai abhī

dauḌtā hai ragoñ meñ ḳhuun 'āqib'

aur ravāñ sāñsoñ kī nadī hai abhī

mahfil-e-zist bhi saji hai abhi

haisiyat dil ki markazi hai abhi

ek tamanna bujhi bujhi hai abhi

ek KHwahish dabi dabi hai abhi

aur thoDe mizaj mil jaen

ye mulaqat sarsari hai abhi

tere chehre pe maslahat raushan

tera lahja bhi maKHmali hai abhi

jhuT ka phaT paDega ghubbara

is mein kafi hawa bhari hai abhi

wo jo majburiyon se gundhi gai

wo hansi mez par rakhi hai abhi

kuchh to andaza ho gaya qaem

tajziya garche sarsari hai abhi

dauDta hai ragon mein KHun 'aqib'

aur rawan sanson ki nadi hai abhi