mahfil mein maine ghaur se dekha tha der tak

mahfil meñ maiñ ne ġhaur se dekhā thā der tak

ik shaḳhs merī āñkhoñ meñ Thahrā thā der tak

phir yuuñ huā ki sāmne mere thā vo khaḌā

jis ko tasavvurāt meñ sochā thā der tak

mujh meñ zarūr baat koī hai isī liye

mahfil meñ mere baa'd bhī charchā thā der tak

ab haal ye huā hai koī pūchhtā nahīñ

koī hamārī raah ko taktā thā der tak

mujh ko to yaad aatā nahīñ tum hī kuchh kaho

vo kaun thā jo paas meñ baiThā thā der tak

achchhe muāmlāt meñ har-sū jahān meñ

charchā hamāre des kā hotā thā der tak

'rahbar' vatan meñ chhā.ī hai vīrānī aaj kyoñ

kal tak to apne des meñ mela thā der tak

mahfil mein main ne ghaur se dekha tha der tak

ek shaKHs meri aankhon mein Thahra tha der tak

phir yun hua ki samne mere tha wo khaDa

jis ko tasawwuraat mein socha tha der tak

mujh mein zarur baat koi hai isi liye

mahfil mein mere ba'd bhi charcha tha der tak

ab haal ye hua hai koi puchhta nahin

koi hamari rah ko takta tha der tak

mujh ko to yaad aata nahin tum hi kuchh kaho

wo kaun tha jo pas mein baiTha tha der tak

achchhe muamlat mein har-su jahan mein

charcha hamare des ka hota tha der tak

'rahbar' watan mein chhai hai virani aaj kyon

kal tak to apne des mein mela tha der tak