mahfil mein shor-e-qulqul-e-mina-e-mul hua

mahfil meñ shor-e-qulqul-e-mīnā-e-mul huā

lā sāqiyā pyāla ki tauba kā qul huā

jin kī nazar chaḌhā tirā ruḳhsār-e-ātishīñ

un kā charāġh-e-gor na tā-hashr gul huā

banda-navāziyāñ to ye dekho ki aadmī

juzv-e-za.īf mahram-e-asrār-e-kul huā

dariyā-e-ġham se mere guzarne ke vāste

teġh-e-ḳhamīda yaar kī lohe kā pul huā

parvāna bhī thā garm-e-tapish par khulā na raaz

bulbul kī tañg-hauslagī thī ki ġhul huā

aa.ī tahī-daroñ kī na hargiz samajh meñ baat

āvāza go buland misāl-e-duhul huā

us bin rahā chaman meñ bhī maiñ 'zauq' dil-ḳharāsh

nāḳhun se tez-tar mujhe har barg-e-gul huā

mahfil mein shor-e-qulqul-e-mina-e-mul hua

la saqiya pyala ki tauba ka qul hua

jin ki nazar chaDha tera ruKHsar-e-atishin

un ka charagh-e-gor na ta-hashr gul hua

banda-nawaziyan to ye dekho ki aadmi

juzw-e-zaif mahram-e-asrar-e-kul hua

dariya-e-gham se mere guzarne ke waste

tegh-e-KHamida yar ki lohe ka pul hua

parwana bhi tha garm-e-tapish par khula na raaz

bulbul ki tang-hauslagi thi ki ghul hua

aai tahi-daron ki na hargiz samajh mein baat

aawaza go buland misal-e-duhul hua

us bin raha chaman mein bhi main 'zauq' dil-KHarash

naKHun se tez-tar mujhe har barg-e-gul hua