mahfil se aaKHir uski nikalwae jaenge

mahfil se āḳhir us kī nikalvā.e jā.eñge

sheḳhī se jā to baiThe the ik baar anqarīb

vahshat bhare hue mire tevar ko dekh kar

aatā nahīñ hai ab koī ġham-ḳhvār anqarīb

vo din ga.e junūñ ke mudāvā ke vāste

do-chār roz baiThe to do-chār anqarīb

jins-e-vafā kī qadr gar iz.hār kījiye

kahtā hai mujh ko yaañ se hai bāzār anqarīb

ai bad-salīqa ye bhī qarīna hai bazm kā

ushshāq duur baiTheñ aur aġhyār anqarīb

le apne āshiyāñ kī ḳhabar jald jibra.īl

pahūñchī hamārī āh-e-sharar-bār anqarīb

duurī 'shahīdī' apnī samajh kā qusūr thā

hai shah-rag-e-gulū se bhī yaañ yaar anqarīb

mahfil se aaKHir us ki nikalwae jaenge

sheKHi se ja to baiThe the ek bar anqarib

wahshat bhare hue mere tewar ko dekh kar

aata nahin hai ab koi gham-KHwar anqarib

wo din gae junun ke mudawa ke waste

do-chaar roz baiThe to do-chaar anqarib

jins-e-wafa ki qadr gar izhaar kijiye

kahta hai mujh ko yan se hai bazar anqarib

ai bad-saliqa ye bhi qarina hai bazm ka

ushshaq dur baiThen aur aghyar anqarib

le apne aashiyan ki KHabar jald jibrail

pahunchi hamari aah-e-sharar-bar anqarib

duri 'shahidi' apni samajh ka qusur tha

hai shah-rag-e-gulu se bhi yan yar anqarib