aankhon mein jo baat ho gai hai

Firaq Gorakhpuri

aankhon mein jo baat ho gai hai

Firaq Gorakhpuri

MORE BYFiraq Gorakhpuri

    āñkhoñ meñ jo baat ho ga.ī hai

    ik sharh-e-hayāt ho ga.ī hai

    jab dil vafāt ho ga.ī hai

    har chiiz raat ho ga.ī hai

    ġham se chhuT kar ye ġham hai mujh ko

    kyuuñ ġham se najāt ho ga.ī hai

    muddat se ḳhabar milī na dil

    shāyad koī baat ho ga.ī hai

    jis shai pe nazar paḌī hai terī

    tasvīr-e-hayāt ho ga.ī hai

    ab ho mujhe dekhiye kahāñ sub.h

    un zulfoñ meñ raat ho ga.ī hai

    dil meñ tujh se thī jo shikāyat

    ab ġham ke nikāt ho ga.ī hai

    iqrār-e-gunāh-e-ishq sun lo

    mujh se ik baat ho ga.ī hai

    jo chiiz bhī mujh ko haath aa.ī

    terī sauġhāt ho ga.ī hai

    kyā jāniye maut pahle kyā thī

    ab merī hayāt ho ga.ī hai

    ghaTte ghaTte tirī ināyat

    merī auqāt ho ga.ī hai

    us chashm-e-siyah yaad yaksar

    shām-e-zulmāt ho ga.ī hai

    is daur meñ zindagī bashar

    bīmār raat ho ga.ī hai

    jiitī huī bāzī-e-mohabbat

    khelā huuñ to maat ho ga.ī hai

    miTne lagīñ zindagī qadreñ

    jab ġham se najāt ho ga.ī hai

    vo chāheñ to vaqt bhī badal jaa.e

    jab aa.e haiñ raat ho ga.ī hai

    duniyā hai kitnī be-Thikāna

    āshiq barāt ho ga.ī hai

    pahle vo nigāh ik kiran thī

    ab barq-sifāt ho ga.ī hai

    jis chiiz ko chhū diyā hai ne

    ik barg-e-nabāt ho ga.ī hai

    ikkā-dukkā sadā-e-zanjīr

    zindāñ meñ raat ho ga.ī hai

    ek ek sifat 'firāq' us

    dekhā hai to zaat ho ga.ī hai

    aankhon mein jo baat ho gai hai

    ek sharh-e-hayat ho gai hai

    jab dil ki wafat ho gai hai

    har chiz ki raat ho gai hai

    gham se chhuT kar ye gham hai mujh ko

    kyun gham se najat ho gai hai

    muddat se KHabar mili na dil ki

    shayad koi baat ho gai hai

    jis shai pe nazar paDi hai teri

    taswir-e-hayat ho gai hai

    ab ho mujhe dekhiye kahan subh

    un zulfon mein raat ho gai hai

    dil mein tujh se thi jo shikayat

    ab gham ke nikat ho gai hai

    iqrar-e-gunah-e-ishq sun lo

    mujh se ek baat ho gai hai

    jo chiz bhi mujh ko hath aai

    teri saughat ho gai hai

    kya jaaniye maut pahle kya thi

    ab meri hayat ho gai hai

    ghaTte ghaTte teri inayat

    meri auqat ho gai hai

    us chashm-e-siyah ki yaad yaksar

    sham-e-zulmat ho gai hai

    is daur mein zindagi bashar ki

    bimar ki raat ho gai hai

    jiti hui bazi-e-mohabbat

    khela hun to mat ho gai hai

    miTne lagin zindagi ki qadren

    jab gham se najat ho gai hai

    wo chahen to waqt bhi badal jae

    jab aae hain raat ho gai hai

    duniya hai kitni be-Thikana

    aashiq ki baraat ho gai hai

    pahle wo nigah ek kiran thi

    ab barq-sifat ho gai hai

    jis chiz ko chhu diya hai tu ne

    ek barg-e-nabaat ho gai hai

    ikka-dukka sada-e-zanjir

    zindan mein raat ho gai hai

    ek ek sifat 'firaq' us ki

    dekha hai to zat ho gai hai

    Source:

    • Book : Gul-e-Naghma (Pg. 97)
    • Author : Firaq Gorakhpuri
    • Publication : Kitabi Duniya, Delhi-6 (2006)
    • Edition : 2006

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY