mahshar-e-hijr tera surat-e-KHas samne hai

mahshar-e-hijr tirā sūrat-e-ḳhas sāmne hai

ik baras biit gayā ek baras sāmne hai

sūrat-e-ishva-e-ḳhāshāk hai āvāra vajūd

kyā sambhal pā.egā dariyā-e-havas sāmne hai

harf-e-shart aatā hai jab terī zabāñ par sar-e-shām

aisā lagtā hai ki ik aur qafas sāmne hai

jaane kis vaqt ye uḌ kar mire dil tak pahuñche

manzileñ duur haiñ āzār-e-jaras sāmne hai

is kā honā bhī na hone kī tarah hai 'āfāq'

is tarah hai vo mire sāmne bas sāmne hai

mahshar-e-hijr tera surat-e-KHas samne hai

ek baras bit gaya ek baras samne hai

surat-e-ishwa-e-KHashak hai aawara wajud

kya sambhal paega dariya-e-hawas samne hai

harf-e-shart aata hai jab teri zaban par sar-e-sham

aisa lagta hai ki ek aur qafas samne hai

jaane kis waqt ye uD kar mere dil tak pahunche

manzilen dur hain aazar-e-jaras samne hai

is ka hona bhi na hone ki tarah hai 'afaq'

is tarah hai wo mere samne bas samne hai