mahtab hai bahaar hai saqi hai jam hai

mahtāb hai bahār hai saaqī hai jaam hai

kitnā sukūn dil ke liye intizār hai

har raah kahkashāñ kī tarah hai sajī huī

hamrāh mere kaun ye mahv-e-ḳhirām hai

saaqī kī chashm-e-mast pilātī rahe jise

us bāda-kash ko jaam se piinā harām hai

kyūñkar na rāh-e-ishq meñ vo sarbuland ho

qismat meñ jis kī gesū-e-jānāñ kī shaam hai

khilne lage haiñ phuul mire dil kī shāḳh par

shāyad koī hasīñ hai jo bālā-e-bām hai

har samt jalva-rez hai husn-o-jamāl-e-yār

ai be-ḳhudī-e-ishq ye kaisā maqām hai

karte haiñ qatl sab ko nigāhoñ ke tiir se

un mah-vashoñ ke paas yahī ek kaam hai

adnā sā ik karishma hai terī nigāh kā

sahn-e-chaman meñ mausam-e-gul jis kā naam hai

ḳhālī koī bhī sāġhar-e-dil rah na jā.egā

'shabbīr' aaj bāda-e-dīdār-e-ām hai

mahtab hai bahaar hai saqi hai jam hai

kitna sukun dil ke liye intizar hai

har rah kahkashan ki tarah hai saji hui

hamrah mere kaun ye mahw-e-KHiram hai

saqi ki chashm-e-mast pilati rahe jise

us baada-kash ko jam se pina haram hai

kyunkar na rah-e-ishq mein wo sarbuland ho

qismat mein jis ki gesu-e-jaanan ki sham hai

khilne lage hain phul mere dil ki shaKH par

shayad koi hasin hai jo baala-e-baam hai

har samt jalwa-rez hai husn-o-jamal-e-yar

ai be-KHudi-e-ishq ye kaisa maqam hai

karte hain qatl sab ko nigahon ke tir se

un mah-washon ke pas yahi ek kaam hai

adna sa ek karishma hai teri nigah ka

sahn-e-chaman mein mausam-e-gul jis ka nam hai

KHali koi bhi saghar-e-dil rah na jaega

'shabbir' aaj baada-e-didar-e-am hai