mahw aisa hun sar-o-pa ki KHabar kuchh bhi nahin

mahv aisā huuñ sar-o-pā kī ḳhabar kuchh bhī nahīñ

tere jalva ke sivā madd-e-nazar kuchh bhī nahīñ

ab to thāme hue phirte ho kaleja apnā

tum to kahte the ki aahoñ meñ asar kuchh bhī nahīñ

ham bayāñ karte haiñ jumla kī adam ke tarkīb

mubtadā us kī to hastī hai ḳhabar kuchh bhī nahīñ

ḳhauf hai un pe na zāhir kahīñ ulfat ho mirī

dil meñ go dard hai kahtā huuñ magar kuchh bhī nahīñ

nikle jannat se jo aadam to jahāñ meñ aa.e

itnī dilchasp to bastī hai magar kuchh bhī nahīñ

putlī vāloñ kī sī chādar hai hijāb-e-hastī

sab udhar hī ke karishme haiñ idhar kuchh bhī nahīñ

jab se ye jaan liyā dāman-e-rahmat hai vasī.a

hashr kā un ke gunahgār ko Dar kuchh bhī nahīñ

mahw aisa hun sar-o-pa ki KHabar kuchh bhi nahin

tere jalwa ke siwa madd-e-nazar kuchh bhi nahin

ab to thame hue phirte ho kaleja apna

tum to kahte the ki aahon mein asar kuchh bhi nahin

hum bayan karte hain jumla ki adam ke tarkib

mubtada us ki to hasti hai KHabar kuchh bhi nahin

KHauf hai un pe na zahir kahin ulfat ho meri

dil mein go dard hai kahta hun magar kuchh bhi nahin

nikle jannat se jo aadam to jahan mein aae

itni dilchasp to basti hai magar kuchh bhi nahin

putli walon ki si chadar hai hijab-e-hasti

sab udhar hi ke karishme hain idhar kuchh bhi nahin

jab se ye jaan liya daman-e-rahmat hai wasia

hashr ka un ke gunahgar ko Dar kuchh bhi nahin