mahw-e-hairat hun mera Khaar ne rasta dekha

mahv-e-hairat huuñ mirā ḳhaar ne rasta dekhā

ek kirdār kā kirdār ne rasta dekhā

kaun kahtā hai talabgār ne rasta dekhā

ek be-dār kā bedār ne rasta dekhā

kam-nasībī ki mulāqāt se mahrūm rahe

ḳhush-nasībī ki mire yaar ne rasta dekhā

anginat aa.e ruke aur ravāna bhī hue

kab kisī shaḳhs kā sansār ne rasta dekhā

apne vāloñ ne musībat meñ bhulāyā lekin

dostī ke liye aġhyār ne rasta dekhā

maiñ ne sachchā.ī ko jis roz se apnāyā hai

merā aksar rasan-o-dār ne rasta dekhā

tujh se 'mahmūd' use pyaar bahut thā shāyad

marte dam tak tire bīmār ne rasta dekhā

mahw-e-hairat hun mera KHar ne rasta dekha

ek kirdar ka kirdar ne rasta dekha

kaun kahta hai talabgar ne rasta dekha

ek be-dar ka bedar ne rasta dekha

kam-nasibi ki mulaqat se mahrum rahe

KHush-nasibi ki mere yar ne rasta dekha

anginat aae ruke aur rawana bhi hue

kab kisi shaKHs ka sansar ne rasta dekha

apne walon ne musibat mein bhulaya lekin

dosti ke liye aghyar ne rasta dekha

main ne sachchai ko jis roz se apnaya hai

mera aksar rasan-o-dar ne rasta dekha

tujh se 'mahmud' use pyar bahut tha shayad

marte dam tak tere bimar ne rasta dekha