mahw-e-raqs-e-visal tha kya tha

mahv-e-raqs-e-visāl thā kyā thā

vo sarāpā ġhazāl thā kyā thā

sub.h-e-raushan kisī ke hoñToñ kā

rañg kuchh kuchh jo laal thā kyā thā

bazm-e-jāñ meñ bahut thī ḳhāmoshī

jaane us kā ḳhayāl thā kyā thā

ek jaltā huā nasheman thā

vo mire hasb-e-hāl thā kyā kyā thā

sheriyat Dhal rahī thī sūrat meñ

yā vo raqs-e-jamāl thā kyā thā

'nīl' chashm-e-hazīñ meñ ye batlā

thī vo vahshat malāl thā kyā thā

mahw-e-raqs-e-visal tha kya tha

wo sarapa ghazal tha kya tha

subh-e-raushan kisi ke honTon ka

rang kuchh kuchh jo lal tha kya tha

bazm-e-jaan mein bahut thi KHamoshi

jaane us ka KHayal tha kya tha

ek jalta hua nasheman tha

wo mere hasb-e-haal tha kya kya tha

sheriyat Dhal rahi thi surat mein

ya wo raqs-e-jamal tha kya tha

'nil' chashm-e-hazin mein ye batla

thi wo wahshat malal tha kya tha