mahw kar di zehn se gham ne teri taswir bhi
mahv kar dī zehn se ġham ne tirī tasvīr bhī
donoñ dushman haiñ mirī taqdīr bhī tadbīr bhī
muskurātī hai mirī āñkhoñ meñ aañsū dekh kar
kis qadar be-dard hai zālim tirī tasvīr bhī
kis qadar nāzuk hai ehsāsāt kā aalam ki ishq
ek hī nashsha hai lekin zahr bhī iksīr bhī
in ke dīvānoñ kī saj-dhaj ko hiqārat se na dekh
ishq kā zevar haiñ nādāñ tauq bhī zanjīr bhī
ai 'dil' us kī yaad hai goyā usī kā aa.ina
muzda-e-jāñ-baḳhsh bhī chaltī huī shamshīr bhī
mahw kar di zehn se gham ne teri taswir bhi
donon dushman hain meri taqdir bhi tadbir bhi
muskuraati hai meri aankhon mein aansu dekh kar
kis qadar be-dard hai zalim teri taswir bhi
kis qadar nazuk hai ehsasat ka aalam ki ishq
ek hi nashsha hai lekin zahr bhi iksir bhi
in ke diwanon ki saj-dhaj ko hiqarat se na dekh
ishq ka zewar hain nadan tauq bhi zanjir bhi
ai 'dil' us ki yaad hai goya usi ka aaina
muzda-e-jaan-baKHsh bhi chalti hui shamshir bhi
Source:
Dil Ayubi (Pg. 124)
- Author: Dil Ayubi
-
- Edition: 1995
- Publisher: Nazish Book Center Lahore
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
