mai se wo jam-e-jism hai jab se bhara hua

mai se vo jām-e-jism hai jab se bharā huā

sar hai futūr-e-ḳhvāhish-e-shab se bharā huā

dil hai ki jāntā hai junūñ kā ma.aal bhī

sar hai ki phir bhī shor-o-shaġhab se bharā huā

ġhaflat-shi.ār dil pe koī raat Daal kar

jaatā hai mehr ġhaiz-o-ġhazab se bharā huā

dīvār-e-mai-kadā koī raste meñ aa ga.ī

varna ye jaam hai koī ab se bharā huā

haTtā nahīñ nigāh-e-alamnāk se kabhī

chehra koī ḳhumār-e-tarab se bharā huā

mai se wo jam-e-jism hai jab se bhara hua

sar hai futur-e-KHwahish-e-shab se bhara hua

dil hai ki jaanta hai junun ka maal bhi

sar hai ki phir bhi shor-o-shaghab se bhara hua

ghaflat-shiar dil pe koi raat Dal kar

jata hai mehr ghaiz-o-ghazab se bhara hua

diwar-e-mai-kada koi raste mein aa gai

warna ye jam hai koi ab se bhara hua

haTta nahin nigah-e-alamnak se kabhi

chehra koi KHumar-e-tarab se bhara hua