main agar wo hun jo hona chahiye

maiñ agar vo huuñ jo honā chāhiye

maiñ hī maiñ huuñ phir mujhe kyā chāhiye

ġharq-e-ḳhum honā mayassar ho to bas

chāhiye sāġhar na miinā chāhiye

munhasir marne pe hai fatah-o-shikast

khel mardāna hai khelā chāhiye

be-takalluf phir to khevā paar hai

maujzan qatra meñ dariyā chāhiye

tez ġhairoñ par na kar teġh-o-tabar

aap apne se mubarrā chāhiye

ho dam-e-arz-e-tajallī paash paash

siina misl-e-tūr-e-sīnā chāhiye

husn kī kyā ibtidā kyā intihā

shefta bhī be-sar-o-pā chāhiye

pārsā ban gar nahīñ rindoñ meñ baar

kuchh to bekārī meñ karnā chāhiye

kufr hai saaqī pe ḳhissat kā gumāñ

tishna sargarm-e-taqāzā chāhiye

main agar wo hun jo hona chahiye

main hi main hun phir mujhe kya chahiye

gharq-e-KHum hona mayassar ho to bas

chahiye saghar na mina chahiye

munhasir marne pe hai fatah-o-shikast

khel mardana hai khela chahiye

be-takalluf phir to khewa par hai

maujzan qatra mein dariya chahiye

tez ghairon par na kar tegh-o-tabar

aap apne se mubarra chahiye

ho dam-e-arz-e-tajalli pash pash

sina misl-e-tur-e-sina chahiye

husn ki kya ibtida kya intiha

shefta bhi be-sar-o-pa chahiye

parsa ban gar nahin rindon mein bar

kuchh to bekari mein karna chahiye

kufr hai saqi pe KHissat ka guman

tishna sargarm-e-taqaza chahiye