main akela hun aur tera gham hai
maiñ akelā huuñ aur tirā ġham hai
aaj kitnā udaas mausam hai
tū pareshān so gayā hogā
chāñdnī aaj thoḌī maddham hai
us ko dekhā to kuchh sukūn milā
merā qātil hī merā marham hai
us ne khelī thī ḳhuun kī holī
paas jis ke safed parcham hai
terī duniyā ke zābte achchhe
koī bhī ḳhush nahīñ hai tāham hai
sā re gā mā se pā dhā nī sā tak
ek asthān ek sargam hai
kaise tujh se karūñ gile shikve
aaj terā mizāj barham hai
kyā huā maiñ jo baazī haarā huuñ
aañkh dushman kī bhī to pur-nam hai
saañs to chaltī jā.egī 'zāhid'
ghar ke andar havā magar kam hai
main akela hun aur tera gham hai
aaj kitna udas mausam hai
tu pareshan so gaya hoga
chandni aaj thoDi maddham hai
us ko dekha to kuchh sukun mila
mera qatil hi mera marham hai
us ne kheli thi KHun ki holi
pas jis ke safed parcham hai
teri duniya ke zabte achchhe
koi bhi KHush nahin hai taham hai
sa re ga ma se pa dha ni sa tak
ek asthan ek sargam hai
kaise tujh se karun gile shikwe
aaj tera mizaj barham hai
kya hua main jo bazi haara hun
aankh dushman ki bhi to pur-nam hai
sans to chalti jaegi 'zahid'
ghar ke andar hawa magar kam hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
