main apne KHwab mein kuchh KHak mein milati hun

maiñ apne ḳhvāb meñ kuchh ḳhaak meñ milātī huuñ

na jaane ḳhaak se aisā maiñ kyā uThātī huuñ

sitāre bhar ke maiñ dāman meñ jab bhī laatī huuñ

tumhārī raah meñ phir shauq se bichhātī huuñ

ki pyaas dekh rahe haiñ ye tishna-lab mere

maiñ ashk piitī huuñ aur tishnagī miTātī huuñ

zamāne bhar se vo mujh ko hasīn lagtā hai

zamāne bhar se yahī baat maiñ chhupātī huuñ

kabhī kabhī to mujhe yaad tak nahīñ rahtā

ki chāñd jaltā hai shab meñ yā dil jalātī huuñ

maiñ likh rahī huuñ mohabbat pe ek nazm magar

kabhī maiñ likhtī huuñ us ko kabhī miTātī huuñ

karo ye va.ada ki mujh se ḳhafā nahīñ honā

maiñ māntī huuñ ki maiñ baat ko baḌhātī huuñ

fasāne likhtī huuñ maiñ ġham-zada mohabbat ke

maiñ dard likhtī huuñ aur dard hī kamātī huuñ

main apne KHwab mein kuchh KHak mein milati hun

na jaane KHak se aisa main kya uThati hun

sitare bhar ke main daman mein jab bhi lati hun

tumhaari rah mein phir shauq se bichhati hun

ki pyas dekh rahe hain ye tishna-lab mere

main ashk piti hun aur tishnagi miTati hun

zamane bhar se wo mujh ko hasin lagta hai

zamane bhar se yahi baat main chhupati hun

kabhi kabhi to mujhe yaad tak nahin rahta

ki chand jalta hai shab mein ya dil jalati hun

main likh rahi hun mohabbat pe ek nazm magar

kabhi main likhti hun us ko kabhi miTati hun

karo ye wada ki mujh se KHafa nahin hona

main manti hun ki main baat ko baDhati hun

fasane likhti hun main gham-zada mohabbat ke

main dard likhti hun aur dard hi kamati hun