main apne sae se suraj kha sakta hun
maiñ apne saa.e se sūraj khā saktā huuñ
lekin kyā maiñ aur ik sūraj lā saktā huuñ
bas ik vaqt kī Dorī haath mire aa jaa.e
barsoñ aage sadiyoñ pīchhe jā saktā huuñ
chāñd to ik qirtās hai mere fan kī ḳhātir
jo bhī chāhūñ us par naqsh banā saktā huuñ
jhuuT kabhī hote hoñge aise da.ave par
aaj maiñ sach-much taare toḌ ke lā saktā huuñ
yūñhī nahīñ kahtā hai chāñd mirā ham-sāya
ik dīvār phalāñg ke us par jā saktā huuñ
tū apne dil kī dhaḌkan kāġhaz par likh de
tujh ko is meñ apnā-āp dikhā saktā huuñ
maiñ ne to sab rāgoñ kī shakleñ dekhī haiñ
tujh ko dekh ke bhī ik raag meñ gā saktā huuñ
maiñ ne dānista ḳhud ko gum kar rakkhā hai
jab bhī chāhūñ apnā khoj lagā saktā huuñ
main apne sae se suraj kha sakta hun
lekin kya main aur ek suraj la sakta hun
bas ek waqt ki Dori hath mere aa jae
barson aage sadiyon pichhe ja sakta hun
chand to ek qirtas hai mere fan ki KHatir
jo bhi chahun us par naqsh bana sakta hun
jhuT kabhi hote honge aise dawe par
aaj main sach-much tare toD ke la sakta hun
yunhi nahin kahta hai chand mera ham-saya
ek diwar phalang ke us par ja sakta hun
tu apne dil ki dhaDkan kaghaz par likh de
tujh ko is mein apna-ap dikha sakta hun
main ne to sab ragon ki shaklen dekhi hain
tujh ko dekh ke bhi ek rag mein ga sakta hun
main ne danista KHud ko gum kar rakkha hai
jab bhi chahun apna khoj laga sakta hun
Source:
Quarterly TASTEER Lahore (Pg. 166)
- Author: Naseer Ahmed Nasir
-
- Edition: Issue No. 5,6 April To Sep. 1998
- Publisher: Room No.-1,1st Floor, Awan Plaza, Shadman Market, Lahore
- Year of Publication: Issue No. 5,6 April To Sep. 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
