aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main apne suraj ke sath zinda rahunga to ye KHabar milegi

Ghulam Husain Sajid

main apne suraj ke sath zinda rahunga to ye KHabar milegi

Ghulam Husain Sajid

MORE BYGhulam Husain Sajid

    maiñ apne sūraj ke saath zinda rahūñgā to ye ḳhabar milegī

    gulāb kis shāḳh par khilegā charāġh lau kahāñ rukegī

    maiñ zīna-e-ḳhvāb se utar kar sahar talak aa to jā.ūñ lekin

    ye shaam mujh par ayaañ na hogī ye shab mujhe rāsta na degī

    jo rañg mujh meñ sañvar rahe the vo shaam hote kho ga.e haiñ

    jo sham.a mere vajūd meñ jal rahī hai kis sub.h tak jalegī

    sahar huī to mirī thakan se niDhāl āñkhoñ ke thāmne ko

    ye nuur kis samt meñ Dhalegā ye chhāñv kis or se baḌhegī

    maiñ ik nizām-e-kohan ke narġhe meñ saañs le kar bhī sochtā huuñ

    ki sub.h kaise tulūa hogī ki shaam kis rañg meñ Dhalegī

    maiñ apne ham-rāh ek duniyā ko le ke jab chal paḌūñgā 'sājid'

    zamīn paanī ke narm dhāre pe kyā yūñhī ghūmtī rahegī

    main apne suraj ke sath zinda rahunga to ye KHabar milegi

    gulab kis shaKH par khilega charagh ki lau kahan rukegi

    main zina-e-KHwab se utar kar sahar talak aa to jaun lekin

    ye sham mujh par ayan na hogi ye shab mujhe rasta na degi

    jo rang mujh mein sanwar rahe the wo sham hote hi kho gae hain

    jo shama mere wajud mein jal rahi hai kis subh tak jalegi

    sahar hui to meri thakan se niDhaal aankhon ke thamne ko

    ye nur kis samt mein Dhalega ye chhanw kis or se baDhegi

    main ek nizam-e-kohan ke narghe mein sans le kar bhi sochta hun

    ki subh kaise tulua hogi ki sham kis rang mein Dhalegi

    main apne ham-rah ek duniya ko le ke jab chal paDunga 'sajid'

    zamin pani ke narm dhaare pe kya yunhi ghumti rahegi

    Source:

    Monthly Usloob (Pg. 391)

    • Author: Mushfiq Khawaja
      • Edition: Oct. õ Nov. 1983,Issue No. 5-6
      • Publisher: Usloob 3D 9—26 Nazimabad karachi   180007
      • Year of Publication: Oct. õ Nov. 1983,Issue No. 5-6
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now