main apni aankh ko us ka jahan de dun kya

maiñ apnī aañkh ko us kā jahān de duuñ kyā

zamīn khīñch luuñ aur āsmān de duuñ kyā

maiñ duniyā zaad nahīñ huuñ mujhe nahīñ manzūr

makān le ke tumheñ lā-makān de duuñ kyā

ki ek roz khulā rah gayā thā ā.īna

agar gavāh banūñ to bayān de duuñ kyā

uḌe kuchh aise ki merā nishān tak na rahe

maiñ apnī ḳhaak ko itnī uḌaan de duuñ kyā

ye lag rahā hai ki nā-ḳhush ho dostī meñ tum

tumhāre haath meñ tiir o kamān de duuñ kyā

samajh nahīñ rahe be-rañg āñsuoñ kā kahā

unheñ maiñ surḳh-lahū kī zabān de duuñ kyā

sunā hai zindagī koī tah-e-samundar hai

bhañvar ke haath meñ ye bādbān de duuñ kyā

ye faisla mujhe karnā hai ThanDe dil se 'razā'

nahīñ badaltā zamāna to jaan de duuñ kyā

main apni aankh ko us ka jahan de dun kya

zamin khinch lun aur aasman de dun kya

main duniya zad nahin hun mujhe nahin manzur

makan le ke tumhein la-makan de dun kya

ki ek roz khula rah gaya tha aaina

agar gawah banun to bayan de dun kya

uDe kuchh aise ki mera nishan tak na rahe

main apni KHak ko itni uDan de dun kya

ye lag raha hai ki na-KHush ho dosti mein tum

tumhaare hath mein tir o kaman de dun kya

samajh nahin rahe be-rang aansuon ka kaha

unhen main surKH-lahu ki zaban de dun kya

suna hai zindagi koi tah-e-samundar hai

bhanwar ke hath mein ye baadban de dun kya

ye faisla mujhe karna hai ThanDe dil se 'raza'

nahin badalta zamana to jaan de dun kya