main baam-o-dar pe jo ab saen saen likhta hun

maiñ bām-o-dar pe jo ab saa.eñ saa.eñ likhtā huuñ

tamām shahr kī saḌkoñ kī raa.eñ likhtā huuñ

tavīl galiyoñ meñ ḳhāmoshiyāñ ugī haiñ magar

har ik darīche pe jā kar sadā.eñ likhtā huuñ

safed dhuup ke tuude hī jan pe girte haiñ

inhī udaas gharoñ kī kathā.eñ maiñ likhtā huuñ

havā ke dosh pe raqsāñ nahīf pattoñ par

badalte mausamoñ kī ittilā.eñ likhtā huuñ

maiñ jhuñjhlāhaToñ par zabt kar nahīñ saktā

saḌak pe chalte hue daa.eñ baa.eñ likhtā huuñ

tire ḳhulūs ne mujh se vo dushmanī kī hai

tire liye to maiñ ab bad-du'ā.eñ likhtā huuñ

main baam-o-dar pe jo ab saen saen likhta hun

tamam shahr ki saDkon ki raen likhta hun

tawil galiyon mein KHamoshiyan ugi hain magar

har ek dariche pe ja kar sadaen likhta hun

safed dhup ke tude hi jan pe girte hain

inhi udas gharon ki kathaen main likhta hun

hawa ke dosh pe raqsan nahif patton par

badalte mausamon ki ittilaen likhta hun

main jhunjhlahaTon par zabt kar nahin sakta

saDak pe chalte hue daen baen likhta hun

tere KHulus ne mujh se wo dushmani ki hai

tere liye to main ab bad-du'aen likhta hun