main baat kaun se pairaya-e-bayan mein karun

Abdul Aziz Khalid

main baat kaun se pairaya-e-bayan mein karun

Abdul Aziz Khalid

MORE BYAbdul Aziz Khalid

    maiñ baat kaun se pairāya-e-bayāñ meñ karūñ

    jo sochtā huuñ use kis zabān meñ likhūñ

    katar diye haiñ zamāne ne pañkh ḳhvāboñ ke

    bharā hai sāġhar-e-hasrat meñ ārzūoñ ḳhuuñ

    nahīñ hai kushta-e-ḳhūbāñ ḳhūñ-bahā koī

    ai ahl-e-shauq na khaao fareb harf-e-fusūñ

    kabhī hai chāñd haala naqāb-e-lāla kabhī

    anīle rañg dikhātī hai zulf-e-ġhāliya-gūñ

    zamām-e-rāhila-e-dil ḳhirad ke haath meñ do

    ki mārtī hai havas is navāh meñ shab-ḳhūñ

    ab is ko ḳhāna-ḳharābī kaho ki māmūrī

    zamīñ meñ saath ḳhazāne ke dhañs gayā qārūñ

    banū-tamīm ho tum maiñ salāma-bin-jindal

    bilā-javāz tumhārī sanā maiñ kaise karūñ

    parindgān-e-bayābāñ kareñ vasīla jise

    maiñ us amiin ke ḳhirman ke ḳhosha-chīnoñ meñ huuñ

    shahīd-e-ilm bhī huuñ zinda-e-mohabbat bhī

    ba-faiz-e-zauq-e-salīm-o-tabī.at-e-mauzūñ

    sharīk-e-zumra-e-mehnat-kashāñ hai shā.ir bhī

    bahā-e-sad-nafas-e-ḳhūñ-chakāñ hai ik mazmūñ

    anāḌī-pan na kaho merī sāda-lauhī ko

    huuñ nau-niyāz magar kuhna-mashq-e-jazb-o-junūñ

    balā-e-jabr bhī hai pā-e-iḳhtiyār bhī hai

    qusūr-vār huuñ maiñ sadā-e-kun-fayakūñ

    darā-e-farra-e-farhañg dekho rañg-e-suḳhan

    abul-kalām nahīñ maiñ abul-ma.ānī huuñ

    main baat kaun se pairaya-e-bayan mein karun

    jo sochta hun use kis zaban mein likhun

    katar diye hain zamane ne pankh KHwabon ke

    bhara hai saghar-e-hasrat mein aarzuon ka KHun

    nahin hai kushta-e-KHuban ka KHun-baha koi

    ai ahl-e-shauq na khao fareb harf-e-fusun

    kabhi hai chand ka haala naqab-e-lala kabhi

    anile rang dikhati hai zulf-e-ghaaliya-gun

    zamam-e-rahila-e-dil KHirad ke hath mein do

    ki marti hai hawas is nawah mein shab-KHun

    ab is ko KHana-KHarabi kaho ki mamuri

    zamin mein sath KHazane ke dhans gaya qarun

    banu-tamim ho tum main salama-bin-jindal

    bila-jawaz tumhaari sana main kaise karun

    parindgan-e-bayaban karen wasila jise

    main us amin ke KHirman ke KHosha-chinon mein hun

    shahid-e-ilm bhi hun zinda-e-mohabbat bhi

    ba-faiz-e-zauq-e-salim-o-tabiat-e-mauzun

    sharik-e-zumra-e-mehnat-kashan hai shair bhi

    baha-e-sad-nafas-e-KHun-chakan hai ek mazmun

    anaDi-pan na kaho meri sada-lauhi ko

    hun nau-niyaz magar kuhna-mashq-e-jazb-o-junun

    bala-e-jabr bhi hai pa-e-iKHtiyar bhi hai

    qusur-war hun main ya sada-e-kun-fayakun

    dara-e-farra-e-farhang dekho rang-e-suKHan

    abul-kalam nahin main abul-maani hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY