main bhala kab kisi ke bas mein raha

maiñ bhalā kab kisī ke bas meñ rahā

bāl-o-par the magar qafas meñ rahā

chhoḌ kar ghar ko ḳhush kahāñ thā maiñ

darmiyāñ sab ke pesh-o-pas meñ rahā

zindagī kī galī meñ nau ghar the

umr-bhar maiñ makān das meñ rahā

ḳhāmiyāñ kis tarah chhupātā maiñ

ā.inoñ kī jo dastaras meñ rahā

merī qurbat se jo gurezāñ thā

kyoñ vo mere nafas nafas meñ rahā

phuul mahkeñge mere āñgan meñ

is tavaqqo pe ḳhār-o-ḳhas meñ rahā

main bhala kab kisi ke bas mein raha

baal-o-par the magar qafas mein raha

chhoD kar ghar ko KHush kahan tha main

darmiyan sab ke pesh-o-pas mein raha

zindagi ki gali mein nau ghar the

umr-bhar main makan das mein raha

KHamiyan kis tarah chhupata main

aainon ki jo dastaras mein raha

meri qurbat se jo gurezan tha

kyon wo mere nafas nafas mein raha

phul mahkenge mere aangan mein

is tawaqqo pe KHar-o-KHas mein raha