main bhi to samjhun ki wo kahte hain kya mere baad

maiñ bhī to samjhūñ ki vo kahte haiñ kyā mere baad

dil to lenā kabhī tum un kā zarā mere baad

ab vo kyā karte haiñ kar sakte haiñ kyā mere baad

mere bachchoñ kī ḳhabar legā ḳhudā mere baad

beTī allāh tumheñ sabr de daa.ī to chalī

kis ko ab kah ke purkārūñgī buā mere baad

vo mirī saut thī sab jis ko samajhte the bahan

kis ko mā'lūm thā ye haal khulā mere baad

harj hī kyā hai batā dījiye mujh ko bhī zarā

kuchh to kahte the chachī jaan chachā mere baad

maiñ jo mar jā.ūñ to bachchoñ pe na saḳhtī karnā

rakhnā ārām se honā na ḳhafā mere baad

aur nandoñ kī tarah bhī to nahīñ maiñ bhābī

tum ko bhayyā se na karnā thā gilā mere baad

tum salāmat raho duniyā meñ du'ā hai ye mirī

be-vafā 'umr kare aur vafā mere baad

is ko kyā kahiye ye ā'māl haiñ apne apne

mujh se pahle vo marā dafn huā mere baad

kal qayāmat ko tumheñ aa ke karūñgī maiñ salām

na sahī aaj to pāoge sazā mere baad

yaad aa.egā bahut tum ko ye khānā piinā

phir kisī shai meñ na pāoge mazā mere baad

itnā karnā inheñ maike mire pahuñchā denā

saut kyā rakkhegī bachchoñ ko bhalā mere baad

maiñ mu'āfī na agar māñgne pā.ūñ tum se

baḳhsh denā miyāñ tum merī ḳhatā mere baad

in ko kumbe meñ kisī se nahīñ ab koī ġharaz

na vafā baaqī hai in meñ na jafā mere baad

jis qadar chāhe satā le mujhe ye saut muī

is ko bhī aa.egī ik roz qazā mere baad

thaam kar 'arsh ḳhudā se maiñ karūñgī fariyād

mere bachchoñ pe jo tum hoge ḳhafā mere baad

kabhī dar se kabhī dīvār se Takrā.eñge sar

le ke jab ā.eñge vo ghar meñ davā mere baad

nabz tak maiñ ne hakīmoñ ko nahīñ dikhlā.ī

mujh ko muñh Dhāñk ke ro.egī hayā mere baad

kam nahīñ aaj bhī go qadr mirī ai 'shaidā'

naam hogā mirā is se bhī sivā mere baad

main bhi to samjhun ki wo kahte hain kya mere baad

dil to lena kabhi tum un ka zara mere baad

ab wo kya karte hain kar sakte hain kya mere baad

mere bachchon ki KHabar lega KHuda mere baad

beTi allah tumhein sabr de dai to chali

kis ko ab kah ke purkarungi bua mere baad

wo meri saut thi sab jis ko samajhte the bahan

kis ko ma'lum tha ye haal khula mere baad

harj hi kya hai bata dijiye mujh ko bhi zara

kuchh to kahte the chachi jaan chacha mere baad

main jo mar jaun to bachchon pe na saKHti karna

rakhna aaram se hona na KHafa mere baad

aur nandon ki tarah bhi to nahin main bhabi

tum ko bhayya se na karna tha gila mere baad

tum salamat raho duniya mein du'a hai ye meri

be-wafa 'umr kare aur wafa mere baad

is ko kya kahiye ye aa'mal hain apne apne

mujh se pahle wo mara dafn hua mere baad

kal qayamat ko tumhein aa ke karungi main salam

na sahi aaj to paoge saza mere baad

yaad aaega bahut tum ko ye khana pina

phir kisi shai mein na paoge maza mere baad

itna karna inhen maike mere pahuncha dena

saut kya rakkhegi bachchon ko bhala mere baad

main mu'afi na agar mangne paun tum se

baKHsh dena miyan tum meri KHata mere baad

in ko kumbe mein kisi se nahin ab koi gharaz

na wafa baqi hai in mein na jafa mere baad

jis qadar chahe sata le mujhe ye saut mui

is ko bhi aaegi ek roz qaza mere baad

tham kar 'arsh KHuda se main karungi fariyaad

mere bachchon pe jo tum hoge KHafa mere baad

kabhi dar se kabhi diwar se Takraenge sar

le ke jab aaenge wo ghar mein dawa mere baad

nabz tak main ne hakimon ko nahin dikhlai

mujh ko munh Dhank ke roegi haya mere baad

kam nahin aaj bhi go qadr meri ai 'shaida'

nam hoga mera is se bhi siwa mere baad