main chahta hun tarashun zaif hone tak

maiñ chāhtā huuñ tarāshūñ za.iif hone tak

javān qāfiye būḌhī radīf hone tak

ham us kī shart pe qaa.em rahe magar vo shaḳhs

badal chukā thā hamāre sharīf hone tak

jalā.e jaate haiñ īñdhan ke taur par ik din

jo saaya dete haiñ sab ko nahīf hone tak

javāñ badan ke masā.ib ajab masā.ib haiñ

lahū rulāte haiñ dil ko za.iif hone tak

diyā bujhāte hī khul jā.eñge ḳhayāl ke dar

ye band rahte haiñ manzar latīf hone tak

banā hī leñge machhere makān shahroñ meñ

chamakte dariyā kā paanī kasīf hone tak

main chahta hun tarashun zaif hone tak

jawan qafiye buDhi radif hone tak

hum us ki shart pe qaem rahe magar wo shaKHs

badal chuka tha hamare sharif hone tak

jalae jate hain indhan ke taur par ek din

jo saya dete hain sab ko nahif hone tak

jawan badan ke masaib ajab masaib hain

lahu rulate hain dil ko zaif hone tak

diya bujhate hi khul jaenge KHayal ke dar

ye band rahte hain manzar latif hone tak

bana hi lenge machhere makan shahron mein

chamakte dariya ka pani kasif hone tak