main chahta to yahi tha ki kuchh naya karun main

maiñ chāhtā to yahī thā ki kuchh nayā karūñ maiñ

magar ye ho na sakā us se mil ke kyā karūñ maiñ

ye qarz mujh pe jo is zindagī kā ho gayā hai

koī batā.e mujhe kis tarah adā karūñ maiñ

ye ishq merī tabī.at ko sāzgār nahīñ

ye log kahte haiñ ab kaam dūsrā karūñ maiñ

maza tab aa.e safar meñ agar kuchh aisā ho

vo mujh ko baḌh ke uThātā rahe girā karūñ maiñ

ajab maqām pe laa.ī hai zindagī mujh ko

sunūñ dimāġh kī yā dil kī ab sunā karūñ maiñ

to kyā ye ḳhauf hai apnī shanāḳht kho dūñgā

tū aa.ine se bhī har roz kyā milā karūñ maiñ

Dhalak na jā.ūñ maiñ ik buuñd ban ke aañsū kī

kisī kī aañkh meñ nashtar sā kyuuñ chubhā karūñ maiñ

guzār Dālūñ maiñ ab raat chain se so kar

na ḳhvāb dekhūñ na ab koī ratjagā karūñ maiñ

to mere haq meñ yahī faisla huā hai abhī

tū intizār abhī aur aap kā karūñ maiñ

bas ik zarā sā ishāra udhar se ho to idhar

darūn-e-zāt qayāmat koī bapā karūñ maiñ

vo mujh ko oḌh le 'yāvar' kabhī qabā kī tarah

vo mujh ko Dhāñp de us vaqt jab khilā karūñ maiñ

main chahta to yahi tha ki kuchh naya karun main

magar ye ho na saka us se mil ke kya karun main

ye qarz mujh pe jo is zindagi ka ho gaya hai

koi batae mujhe kis tarah ada karun main

ye ishq meri tabiat ko sazgar nahin

ye log kahte hain ab kaam dusra karun main

maza tab aae safar mein agar kuchh aisa ho

wo mujh ko baDh ke uThata rahe gira karun main

ajab maqam pe lai hai zindagi mujh ko

sunun dimagh ki ya dil ki ab suna karun main

to kya ye KHauf hai apni shanaKHt kho dunga

tu aaine se bhi har roz kya mila karun main

Dhalak na jaun main ek bund ban ke aansu ki

kisi ki aankh mein nashtar sa kyun chubha karun main

guzar Dalun main ab raat chain se so kar

na KHwab dekhun na ab koi ratjaga karun main

to mere haq mein yahi faisla hua hai abhi

tu intizar abhi aur aap ka karun main

bas ek zara sa ishaara udhar se ho to idhar

darun-e-zat qayamat koi bapa karun main

wo mujh ko oDh le 'yawar' kabhi qaba ki tarah

wo mujh ko Dhanp de us waqt jab khila karun main