main dasht-e-shauq mein kab tak use pukara karun

maiñ dasht-e-shauq meñ kab tak use pukārā karūñ

vo merī hai yā nahīñ hai ab istiḳhāra karūñ

kahā hai us ne ki maiñ agle saal ā.ūñgī

hai mere dil meñ ki rozāna ghar sañvārā karūñ

tamām log nazar bhar ke dekhte haiñ use

to kyoñ na roz maiñ us kī nazar utārā karūñ

jo ban ga.e haiñ mire vāste vabāl-e-jāñ

maiñ sochtā huuñ ki un sab se ab kinārā karūñ

'sarosh' soch rahā huuñ khaḌā kināre par

maiñ saath chalne kā kaise use ishāra karūñ

main dasht-e-shauq mein kab tak use pukara karun

wo meri hai ya nahin hai ab istiKHara karun

kaha hai us ne ki main agle sal aaungi

hai mere dil mein ki rozana ghar sanwara karun

tamam log nazar bhar ke dekhte hain use

to kyon na roz main us ki nazar utara karun

jo ban gae hain mere waste wabaal-e-jaan

main sochta hun ki un sab se ab kinara karun

'sarosh' soch raha hun khaDa kinare par

main sath chalne ka kaise use ishaara karun