main ek aatish-e-gham ki KHabar ke pichhe hun

maiñ ek ātish-e-ġham kī ḳhabar ke pīchhe huuñ

usī se TuuTe hue ik sharar ke pīchhe huuñ

bahut hī ajnabī dastak hai sun rahā huuñ use

aur ek Dar meñ giraftār dar ke pīchhe huuñ

kise tū DhūñDhtā phirtā hai sard kamroñ meñ

maiñ dhuup se bhare maidāñ meñ ghar ke pīchhe huuñ

ziyāda Thiik hai vāmāñdgī use kahnā

jo kah rahā huuñ ki maiñ rahguzar ke pīchhe huuñ

haiñ māh-o-sāl hī aise samajh nahīñ aatī

ki aage shaam ke hoñ yā sahar ke pīchhe hoñ

ye ḳhūnīñ khel hai roz-e-azal se jaarī hai

vo merī jaan ke maiñ us ke sar ke pīchhe huuñ

ye tīr-e-marg hai mumkin nikalnā is se nahīñ

yahīñ kahīñ maiñ kisī ek dar ke pīchhe huuñ

hasab se naam se izzat se mujh ko kyā lenā

havas kā banda huuñ bas māl-o-zar ke pīchhe huuñ

mire kalām meñ 'shāhīñ' na kar talāsh mujhe

chhupā huā kisī dast-e-hunar ke pīchhe huuñ

main ek aatish-e-gham ki KHabar ke pichhe hun

usi se TuTe hue ek sharar ke pichhe hun

bahut hi ajnabi dastak hai sun raha hun use

aur ek Dar mein giraftar dar ke pichhe hun

kise tu DhunDhta phirta hai sard kamron mein

main dhup se bhare maidan mein ghar ke pichhe hun

ziyaada Thik hai wamandgi use kahna

jo kah raha hun ki main rahguzar ke pichhe hun

hain mah-o-sal hi aise samajh nahin aati

ki aage sham ke hon ya sahar ke pichhe hon

ye KHunin khel hai roz-e-azal se jari hai

wo meri jaan ke main us ke sar ke pichhe hun

ye tir-e-marg hai mumkin nikalna is se nahin

yahin kahin main kisi ek dar ke pichhe hun

hasab se nam se izzat se mujh ko kya lena

hawas ka banda hun bas mal-o-zar ke pichhe hun

mere kalam mein 'shahin' na kar talash mujhe

chhupa hua kisi dast-e-hunar ke pichhe hun