main fard-e-jurm teri tayyar kar raha hun
maiñ fard-e-jurm terī tayyār kar rahā huuñ
ai āsmān sun le hushyār kar rahā huuñ
ik had banā rahā huuñ shahr-e-havas meñ apnī
dar kholne kī ḳhātir dīvār kar rahā huuñ
ma.alūm hai na hogī puurī ye aarzū bhī
phir dil ko be-sabab kyuuñ bīmār kar rahā huuñ
phūloñ-bharī ye shāḳheñ bāñhoñ sī lag rahī haiñ
ab kyā batā.ūñ kis kā dīdār kar rahā huuñ
ye rāste ki jin par chaltā rahā huuñ barsoñ
ā.indagāñ kī ḳhātir hamvār kar rahā huuñ
āsāniyoñ meñ jiinā mushkil sā ho gayā hai
maiñ zindagī ko thoḌā dushvār kar rahā huuñ
saame banā liyā hai rātoñ ko maiñ ne apnā
ġhazleñ sunā sunā ke sarshār kar rahā huuñ
main fard-e-jurm teri tayyar kar raha hun
ai aasman sun le hushyar kar raha hun
ek had bana raha hun shahr-e-hawas mein apni
dar kholne ki KHatir diwar kar raha hun
malum hai na hogi puri ye aarzu bhi
phir dil ko be-sabab kyun bimar kar raha hun
phulon-bhari ye shaKHen banhon si lag rahi hain
ab kya bataun kis ka didar kar raha hun
ye raste ki jin par chalta raha hun barson
aaindagan ki KHatir hamwar kar raha hun
aasaniyon mein jina mushkil sa ho gaya hai
main zindagi ko thoDa dushwar kar raha hun
same bana liya hai raaton ko main ne apna
ghazlen suna suna ke sarshaar kar raha hun
Source:
Rang hava main phel raha hai (Pg. 76)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
