main gharib tha sahi par mera ishq tha nirala

maiñ ġharīb thā sahī par mirā ishq thā nirālā

chalo yaad to karegā mujhe bhuul jaane vaalā

na jalāo reg-e-tafta mire dil ko yuuñ ḳhudā-rā

kahīñ phaT gayā jo dekho mire paañv kā ye chhālā

kabhī sher meñ sarāhā kabhī nazm meñ piroyā

maiñ ne ātish-e-nihāñ se tire husn ko ujālā

mirī jaan kī amaañ ho maiñ ne kī bayāñ haqīqat

nahīñ hazm hogā tujh ko ye ġharīb kā nivāla

maiñ zamīñ meñ gaḌ gayā thā tujhe dekh kar nashe meñ

miyāñ kal jo muġhbachoñ ne tirī pagḌī ko uchhālā

mujhe sharm aa rahī hai hare baaġh mat dikhānā

tujhe yaad ho jo nañgā bhare baaġh se nikālā

main gharib tha sahi par mera ishq tha nirala

chalo yaad to karega mujhe bhul jaane wala

na jalao reg-e-tafta mere dil ko yun KHuda-ra

kahin phaT gaya jo dekho mere panw ka ye chhaala

kabhi sher mein saraha kabhi nazm mein piroya

main ne aatish-e-nihan se tere husn ko ujala

meri jaan ki aman ho main ne ki bayan haqiqat

nahin hazm hoga tujh ko ye gharib ka niwala

main zamin mein gaD gaya tha tujhe dekh kar nashe mein

miyan kal jo mughbachon ne teri pagDi ko uchhaala

mujhe sharm aa rahi hai hare bagh mat dikhana

tujhe yaad ho jo nanga bhare bagh se nikala